Home & Hectare Real Estate - Home and Hectare Western Cape

My naam is eintlik Christiaan Joshua Viljoen maar almal noem my Riaan. Ek het grootgeword in Amanzimtoti en Brakpan en my skoolloopbaan voltooi by Stoffberg Hoërskool in Brakpan. Ek het 'n BA-graad verwerf aan die Universiteit van Johannesburg (RAU) en my LLB-graad aan die Universiteit van Suid-Afrika (UNISA).

Ek het rugby gespeel tot ek die ouderdom van 30 bereik het. Daarna het ek my passie vir verkope gevolg en gedurende my hele loopbaan in hierdie veld gewerk, tot op die vlak van direkteurskap. Ek hou baie van mense en geniet lighartige gesprekke. As ek elke dag 'n nuwe persoon kan ontmoet, is ek op my gelukkigste. Lekker eet is ook een van my groot plesiere.

Ek het 'n liefde vir eiendom en plase, aangesien dit een van 'n mens se korsbaarste bates is. As ek wil ontspan, groei ek steggies en krap in die grond, die hele proses van plant en water gee tot dit begin groei is baie vervullend. My geloof in God en my medemens is sterk en ek is aktief betrokke by my kerk as diaken. Ek dien ook as sekretaris van die Gemeenskaps Polisiering Forum (GPF).

Ek glo dat ek, met die ondersteuning van BKB-Home & Hectare en my ryk verkope-agtergrond (wat geskoei is op klientediens) sowel as my regstudies wat "conveyancing" en eiendomsreg insluit, 'n goeie insig en diens kan bied aan alle toekomstige en huidige kliente. Ek is opgewonde oor die geleenthede wat voorlê en sien uit daarna om my kundigheid en passie vir eiendomsaangeleenthede verder te benut.